काठमाडौँ । पूर्वमन्त्री एंव उद्योग तथा वाणिज्य र श्रम उपभोक्ता हित समितिका सभापति अब्दुल खान दुर्घटनामा पर्नु भएको छ । सोमबार बिहान काठमाडौँबाट बर्दिया आउने क्रममा खान चढेको जिप धादिङको रोराङ गाउँपालिकास्थित कृष्णभिरमा दुर्घटनामा परेको उहाँका निजि सचिव अतिउल्ल मुसलमानले जानकारी दिनु भयो । 
दुर्घटनामा परेर खान सहित ४ जना घाइते भएका हुनु भएको छ। इद पर्व मनाउन गृह जिल्ला आउने क्रममा जनमत पार्टीका वरिष्ठ उपाध्यक्ष समेत रहनु भएका खान निजी सचिवालयका सदस्यहरुसहित बर्दिया आउने क्रममा दुर्घटना भएको हो ।
पूर्व मन्त्री खान सवार एबि ए सी २७३५ नम्बरको गाडीलाई ठक्कर दिने गाडी फरार रहेको प्रहरीले जनाएको छ भने घाईते पूर्व मन्त्री खान सहित उहाँको सचिवालयको सदस्यहरुलाई एम्बुलेन्स मार्फत काठमाडौ पठाइएको धादिङ प्रहरीले जनाएको छ । पूर्व मन्त्रीको सचिवालयका अनुसार पूर्व मन्त्री खानको बाया हात फ्यक्चर भएको छ भने उहाँको डराभर मोहम्मद अलिम मन्सुरी, सचिवालय सदस्य अनवार खान, निजि सचिव अतिउल्ला मुसलमान र सुरक्षा गार्ड घाईते भएका छन् । घाईते सबैको अवस्था सामान्य रहेको सचिवालयले जनाएको छ ।
