बाँके । बाँकेको प्रतिनिधिसभा निर्वाचन क्षेत्र नम्बर २ को प्रदेशसभा निर्वाचन क्षेत्र नम्बर १ मा जनता समाजवादी पार्टीका भण्डारीलाल यादव विजयीको नजिक पुगेका छन् ।
मतगणना अन्तिम चरणमा पुग्दा भण्डारी ११५०४ मतका साथ जितको नजिक पुगेका हुन् । उनलाई पछ्याइरहेका नेकपा एमालेका विजयबहादुर यादवले ९३५८ मत पाएका छन् । तेस्रो स्थानमा रहेका नेपाली कांग्रेसका राजकुमार बर्माले ८७३१ मत पाएका छन् ।
प्रदेशसभामा पहिलोपटक निर्वाचित हुन लागेका यादव गत बैशाखमा सम्पन्न स्थानीय तह चुनावमा डुडुवा गाउँपालिकाको अध्यक्षमा पराजित भएका थिए । उनी २०७४ को स्थानीय चुनावमा डुडुवा ३ बाट वडा अध्यक्ष चुनिएका थिए ।
