बाँके । बाँकेमा नेपालगञ्ज ११ मा रहेको मदरसा बरकातिया लगायतका बिधालयहरुमा हात्तीपाइलेको औषधी आइतबार खुवाउने भएको छ ।
रोग निवारणमा उल्लेख्य प्रगति हुन नसकेको बाँकेमा हात्ती पाइले रोग विरुद्ध आम औषधी सेवन अभियान एक साता देखि सञ्चालन हुँदै आएको छ । घर घरमा पुगेर औषधि सेवन गराउदै आएको बताउदै नेपालगञ्ज उपमहानगरपालिका वडा नं ११ का इन्चार्ज कविता लामिछानेले सर्वसाधारणलाई हात्ती पाइलेको औषधी सेवन गराउने कार्यलाई पहिलो प्राथमिकतामा राखेर स्वास्थ्यकर्मी परिचालन गरिएको बताउनु भयो ।
इन्चार्ज कविताले भन्नुभयो विगतमा सर्वसाधारणले हात्ती पाइले रोग विरुद्धको औषधी सेवन गर्न डराएका कारण पनि बाँकेमा आम औषधी सेवन अभियानका चरणहरु थप गर्नुपरेको बताउनु भयो । यस पटक भने सर्वसाधारणलाई विश्वस्त तुल्याउन स्वास्थ्यकर्मीहरुलाई नै औषधी वितरणमा परिचालन गरिएको जानकारी दिनु भयो ।
दुई बर्षभन्दा मुनिका बालबालिका, गर्भवति, र ७ दिनका सुत्केरी तथा ओछ्यान परेका सिकिस्त बिरामी बाहेकका अन्य जोसुकैले पनि हात्ती पाइलेको औषधी सेवन गर्न मिल्ने इन्चार्ज कबिताको भनाई छ । इन्चार्ज कबिताले औषधी सेवन गर्न आग्रह गर्नु भयो
