काठमाडौं । प्रतिनिधिसभाका सांसदले पुस ७ गते शपथ लिने भएका छन् । संघीय संसद सचिवालयको पहिलो बैठकमा भाग लिनुअघि सांसदहरूलाई शपथ ग्रहणका लागि सूचना प्रकाशित गरिएको छ । सचिवालयले अन्तर्राष्ट्रिय सम्मेलन केन्द्रमा दिउँसो १ बजेका लागि शपथ ग्रहणको समय तोकेको छ ।
शपथ ग्रहणमा आउन सांसदहरुलाई निर्वाचन आयोगबाट प्राप्त प्रतिनिधिसभा सदस्य पदको प्रमाणपत्रको सक्कल र प्रतिलिपि तथा दुईटा फोटोसहित लिएर आउन सचिवालयले आग्रह गरेको छ ।
सचिवालयले मातृभाषामा सपथ लिन चाहाने सांसदहरुलाई शपथको व्यहोरा अनुवाद गरि अनुवादसहित तीन दिनअघि उपलब्ध गराउनसमेत भनेको छ ।
