काठमाडौं । नेपाली सेनाका उपरथी ताराध्वज पाण्डेले पदबाट दिएको राजीनामा स्वीकृत भएको छ । नेपाली सेनाको मुख्यालयले शुक्रबार पाण्डेको राजीनामा स्वीकृत गरेको जानकारी रक्षा मन्त्रालयलाई पठाएको हो ।
सेनाका प्रवक्ता कृष्णप्रसाद भण्डारीका अनुसार जंगी अड्डाले उनको राजीनामा स्वीकृत गरेको जानकारी रक्षा मन्त्रालयमा पठाइएको हो ।
जन्ममिति किर्ते विषयमा छानबिन सुरु भएपछि पाण्डेले बिहीबार साँझ राजीनामा बुझाएका थिए । पाण्डे आगामी प्रधानसेनापतिको रोलक्रममा थिए । प्रधानसेनापति प्रभुराम शर्माको २०८१ भदौ २४ गते कार्यकाल सकिएलगत्तै पाण्डे प्रधान सेनापतिको रोलक्रममा थिए ।
