कोहलपुर । युनाईटेड भिजन क्रिकेट क्लव कोहलपुरको आयोजनामा तेस्रो संस्करणको स्व. वीरेन्द्र स्मृति क्रिकेट प्रतियोगिता अन्तर्गत आज भएको सेमिफाइनल खेलमा नेशनल क्रिकेट एकेडेमी लम्की कैलाली र आयोजक युनाईटेड भिजन क्रिकेट क्लव कोहलपुरले जित हासिल गर्दै फाईनलमा प्रवेश गरेका छन ।
नेशनल क्रिकेट एकेडेमी लम्कीले सि. युवा क्लब नेपालगन्जलाई र युनाईटेड भिजन क्रिकेट क्लव कोहलपुरले हिमालयन क्रीकेट एकेडेमी काठमाडौंलाई हराउँदै फाईनल प्रवेश गरेका हुन् ।
सोमबार भएको पहिलो सेमिफाइनल खेलमा सि. युवा क्लब नेपालगन्जलाई ६ विकेटले हराउँदै नेशनल क्रिकेट एकेडेमी लम्की कैलाली फाइनलमा प्रवेश गरेको छ ।
टस जीतेर नेशनल क्रिकेट एकेडेमी लम्की कैलालीले पहिले फिल्डीङ रोजेको थियो । टस हारेर ब्याटिङको निम्तो पाएको सि. युवा क्लब नेपालगन्जले निर्धारीत २० ओभरमा ९ विकेट गुमाउँदै १११ रन बनायको थियो । सि. युवा क्लब नेपालगन्जकस सौगात खत्रीले ३१ र सन्दीप नेपालिले १८ रन बनाए । बलिङ्ग तर्फ नेशनल क्रीकेट एकेडेमी लम्किका हेमन्त क्षेत्री र रबिन भण्डारीले समान २–२ विकेट र गोविन्द बिष्टले १ विकेट लिए ।
जितका लागी दिएको ११२ रनको लक्ष्य पछ्याएको नेशनल क्रिकेट एकेडेमीले १३.५ ओभरमा ४ विकेट गुमाएर ११२ रन बनाउदै लक्ष्य पुरा गरेको हो । नेशनल क्रिकेट एकेडेमीका लागी आशिष लोहारले सर्बाधिक ४५ (नट–आउट), गोविन्द बिष्टले ३३ (नट–आउट) रन बनाए । बलिङ्ग तर्फ सि. युवा क्लब नेपालगन्जका अमन श्रेष्ठले २ र लभकुस यादवले १ विकेट लिए ।
सेमिफाइनलको पहिलो खेलमा नेशनल क्रिकेट एकेडेमी लम्किका गोविन्द बिष्ट प्लेयर अफ द म्याच समेत बनेका थिए ।
सेमिफाइनलको दोस्रो खेलमा हिमालयन क्रीकेट एकेडेमी काठमाडौंलाई ४० रनले पराजित गर्दै युनाईटेड भिजन क्रिकेट क्लव कोहलपुर पनि फाईनल प्रवेश गरेको छ ।
टस जीतेर ब्याटिङ रोजेको युनाईटेड भिजन क्रिकेट क्लवले निर्धारीत २० ओभरमा ६ विकेट गुमाउँदै १२६ रन बनायको थियो । युनाईटेड भिजन क्रिकेट क्लवका सिद्धान्त राज शाहीले ३१, निर्मल गुरुङ्गले २५ र क्षितिज थापा मगरले २० रन बनाए । बलिङ्ग तर्फ हिमालयन क्रिकेट एकेडेमी काठमान्डौका आदित्य थापा र दिनेश बिष्टले समान २–२ विकेट लिएका थिए ।
युनाईटेड भिजन क्रिकेट क्लवले दिएको १२७ रनको लक्ष्य पछ्याएकोे हिमालयन क्रिकेट एकेडेमीले १८.३ ओभरमा सबै विकेट गुमाएर ८६ रनमा अलआउट भएको थियो । हिमालयन क्रिकेट एकेडेमीका लागि सर्बाधीक दिपक बोहराले २५ र मुकेश धामीले १७ रन बनाए ।
बलिङ्ग तर्फ हिमालयन क्रिकेट एकेडेमीका निर्मल गुरुङ्गले ३, सुनिल सुनार र सुजात हुसेनले समान २–२ विकेट लिएका थिए । 
सेमिफाइनलको दोस्रो खेलमा युनाईटेड भिजन क्रिकेट क्लव कोहलपुरका निर्मल गुरुङ्ग प्लेयर अफ द म्याच बनेका थिए । उनले आफ्नो टिमका लागी २५ रन र ३ विकेट लिएका थिए ।
उपाधी भिडन्त भोली : एनसिए लम्की भर्सेज युभिसिसि कोहलपुर
तेस्रो संस्करणको स्व. वीरेन्द्र स्मृति क्रिकेट प्रतियोगिताको उपाधी भिडन्त भोली हुदैछ । सेमीफाईनलका दुबै खेल आज सकिएका छन् । सेमिफाईनल मा जित हासिल गर्दै नेशनल क्रिकेट एकेडेमी लम्की कैलाली र युनाईटेड भिजन क्रिकेट क्लव कोहलपुर उपाधीका लागी भिड्ने पक्का भएको हो ।
एनसिए लम्की भर्सेज युभिसिसि कोहलपुरको खेल भोली विहान ९ बजे देखि प्रस्तावित अन्तराष्ट्रिय क्रिकेट मैदान कोहलपुरमा सुरु हुने स्व. वीरेन्द्र स्मृति क्रिकेट प्रतियोगिताका खेल संयोजक सुमन गुरुङ्गले जानकारी दिए ।
स्व. वीरेन्द्र स्मृति क्रिकेट प्रतियोगिताको बजेताले एक लाख पचास हजार रुपैयाँ नगद र ट्रफि हात पार्ने छ ।
