काठमाडौं । राष्ट्रिय शिक्षा दिवसको अवसरमा सरकारले ९६३ जनालाई विभूषित गर्ने भएको छ । शिक्षा मन्त्रालयले विभिन्न विद्याका लागि यसपटक ९०५ जनालाई नेपाल विद्याभूषण प्रदान गर्न लागेको हो । सरकारले ७९० जनालाई नेपाल विद्याभूषण क, ७१ जनालाई ख र ४४ जनालाई ग प्रदान गर्न लागेको हो ।
साथै ४६ जनालाई नेपाल छात्रा विद्यापदक प्रदान गरिँदै छ । जसमा नेपाल छात्रा विद्यापदक क २८ जनलाई र ख १८ जनालाई प्रदान गरिने छ । यस्तै, ११ जनालाई नेपाल प्रविधि विद्याभूषण प्रदान गरिने शिक्षा मन्त्रालयले जनाएको छ ।
मन्त्रालयले प्रकाशन गरेको सुचीअनुसार नेपालगंज मेडिकल कालेजका वरिष्ट बाल रोग विशेषज्ञ तथा नवजात शिशु विशेषज्ञ प्राध्यापक डाक्टर पीयूष कनोडियालाई नेपाल विद्याभषूण ‘क’ प्रदान गरिएको छ । उहाँलाई २०७३ सालमा विपि कोईराला स्वास्थ्य विज्ञान प्रतिष्ठानबाट नीयोन्याटोलोजी विषयमा चिकित्साशास्त्र विद्यावारिधि हुनुभएकोमा नेपाल विद्याभषूण ‘क’ प्रदान गरिएको हो ।
सरकारले अनिवार्य तथा निस्शुल्क शिक्षा ऐन २०७५ जारी भएको दिन असोज २ गतेलाई राष्ट्रिय शिक्षा दिवस मनाउने घोषणा गरेको छ ।यस वर्ष ‘समावेशी र सीपमूलक शिक्षा : स्वदेशमै युवा राष्ट्रको इच्छा’ भन्ने नाराका साथ दिवस मनाइँदैछ ।
baby sick