काठमाडौं । पेट्रोलियम पदार्थमा भएको मूल्यबृद्धिको विरोध गर्दै नेकपा (एमाले) निकट राष्ट्रिय युवा संघ नेपालले प्रदर्शन गरेको छ ।
बिहीबार काठमाडौंमा सडकमा नै चिया पकाएर युवा संघले मूल्यवृद्धिको विरोध गरेका थिए । त्यस्तै उनीहरुले मुल्यवृद्धिको विरोधमा प्रतिकात्मक स्वरुप आइरन, मोटरसाइकल, स्कुल लगायतका सवारीसाधानलाई फलामको भाउमा बिक्रिमा राखेको थियो ।
पछिल्लो समय बढेको पेट्रोलियम पदार्थको भाउलाई व्यंग्य गर्दै पेट्रोल १४२, डिजेल १२५ रुपैयाँ प्रतिलिटर सेलमा राखिएको थियो भने कवाडीमा स्कुटरको प्रतिकिलो २५ र मोटरसाइकलको मूल्य ३० रूपैयाँ राखिएको थियो।
पेट्रोलियम पदार्थमा भएको मूल्यवृद्धिले अन्य क्षेत्रमा पनि असर पारेको र यसले सर्वसाधारणको जनजिवन प्रभावित भएको भन्दै विरोध प्रदर्शन गरिएको युवा संघका संगठन विभाग प्रमुख क्षितिज थेवेले जानकारी दिए ।
उनले मर्यादाविपरितको अभियव्यक्ती सार्वजनिक भएको भन्दै पर्यटनमन्त्री प्रेम आलेको बर्खास्तीको माग पनि गरे ।
युवा संघले पेट्रोलियम पदार्थमा भएको मूल्यवृद्धि लगायतका विषयमा निरन्तर रुपमा सरकारबिरुद्ध प्रदर्शन गर्ने जनाएको छ ।
