बाँके । मधेशका आर्थिक, राजनीतिक र सामाजिक क्षेत्रमा देखिएका बेथितिलाई उजागर गर्दै आएको जनमत पार्टी बाँकेले शनिबार नेपालगञ्जमा बृहत अन्तरक्रिया गर्ने भएको छ ।
जनमत पार्टीका केन्द्रीय सदस्य इरफान शेषको प्रमुख अतिथिमा हुने कार्यक्रममा नागरिकता, नरैनापुरमा भएको सुख्खा क्षेत्र घोषणा, भुमिहिनको समस्या, अटो रिक्सा, व्यापारीको समस्या लगायतका बिषयमा केन्द्रित भएर अन्तरक्रियामा छलफल हुने जनमत बाँकेले जनाएको छ ।
वर्तमान सरकारले समस्या समाधान गर्न छोडेर चुनाबी लालिपप बाड्ने काम गरिरहेकोले उक्त कार्यको विरोध गर्दै आम नागरिकको समस्या समाधानका लागि जनमतले भुमिका निर्वाह गर्ने गरी काम गर्ने केन्द्रीय सदस्य शेषले बताए ।
जनमत पार्टीले मधेशका राजनीतिक मुद्दाभन्दा पनि सामाजिक मुद्दालाई उठाएको छ । अन्य मधेश केन्द्रित दलले भने राजनीतिक मुद्दामा नै जोड दिंदै आएका छन्। जनमत पार्टीले स्थानीय मुद्दालाई उठाएकाले जनताले रुचाएको राजनितिक जानकारहरुको तर्क छ ।
जनमत पार्टीले आफ्नो विचार जनतासम्म पुर्याउने अवसरका रूपमा लिएको केन्द्रीय सदस्य शेषको भनाइ छ। शेषले शनिबार जिल्ला समन्वय समिति बाँकेको हलमा हुने बृहत अन्तरक्रियामा सहभागी हुन आम जनसमुदायलाई आग्रह गरेका छन् ।
