बाँके । बाँकेको नरैनापुर गाउँपालिकाभित्रका स्वास्थ्य संस्थाको पहिलो पटक अनुगमन गरिएको छ । स्वास्थ्य संस्थाहरूको अवस्था बुुझ्न र सेवा प्रवाहलाई प्रभावकारी तुल्याउन लुम्बिनी प्रदेश स्वास्थ्य मन्त्रालय र स्वास्थ्य कार्यालय बाँकेको संयुक्त टोलीले गाउँपालिकाको स्वास्थ्य संस्थाहरुको अनुगमन गरेको हो।
स्वास्थ्य शाखाका प्रमुख नगेन्द्र कुमार शाहले स्वास्थ्य संस्थाको सेवा प्रवाहमा प्रभावकारिता ल्याउन स्वास्थ्य मन्त्रालयको सचिव दुर्गा लक्ष्मी श्रेष्ठ,मन्त्रालयको नर्सिङ महाशाखा प्रमुख ईश्वरी के.सि., चिकित्सा महाशाखा प्रमुख नोदनारायण चौधरी, जनस्वास्थ्य प्रशासक उमेश गौतम र स्वास्थ्य कार्यालय बाँकेका निमित्त प्रमुख नरेश श्रेष्ठ सम्मिलित संयुक्त टोलीले पहिलो पटक गाउँपालिकाका सबै स्वास्थ्य संस्थाको अनुगमन कार्य गरेको बताउनु भयो ।
