बाँके । प्रेस सेन्टर नेपालका केन्द्रीय अध्यक्ष बिष्णु सापकोटा'जुगल' ले पत्रकारिता क्षेत्र चुनौती संगै सम्भावना बोकेको पेशा भएको बताउनु भयो ।
रुकुममा आयोजित पत्रकारिता तालिमको समापन कार्यक्रममा सहभागी हुन त्यस तर्फ जाने क्रममा नेपालगञ्ज बिमान स्थलमा प्रेस सेन्टर आबद्ध पत्रकारहरु संग कुरा गर्दै अध्यक्ष जुगलले भन्नुभयो, देशमा राज्यको पुनसंरचनासँगसँगै सञ्चार क्षेत्रको पुनर्संरचना हुनु पर्ने थियो तर हुन नसक्नु चिन्ताको विषय भएको बताउनु भयो ।
उहाँले भन्नुभयो, सिंगो सञ्चार क्षेत्रलाई संघीय ढाँचामा लगेर स्वरोजगारमूलक साना लगानीका र दुर्गम क्षेत्रमा सञ्चालित सञ्चार माध्यमहरुको प्रवर्द्धन र विकासका लागि प्रेस सेन्टर नेपालले आवाज उठाउदै आएको बताउनुभयो ।
शनिबार प्रेस सेन्टर नेपाल बाँके शाखाले अध्यक्ष जुगललाई विमान स्थलमा खादा लगाएर सम्मान गरेको थियो। शाखा अध्यक्ष डक्ट प्रसाद धिताल, केन्द्रीय सदस्य सेराज खान, सुशिल शर्मा, प्रदेश उपाध्यक्ष प्रदिप वाग्ले, सचिव आलम खान, गजेन्द्र गुरुङ जिल्ला उपाध्यक्ष राजेश आचार्य, कोषाध्यक्ष चन्द्र बोहरा, कृष्ण ओली लगायतले स्वागत गर्नु भएको थियो ।
अध्यक्ष जुगलले समाजले बिश्वास गर्ने र आवाज विहिनको आवाजको रूपमा पत्रकारले काम गर्नेभएकाले पत्रकारिता पेशा अंगालेर काम गर्न चुनौती भएको जिकिर गर्नु भएको थियो ।
पत्रकारले आर्थिक लोपमा लाग्न नहुने बताउँदै उहाँले जनजीविका, विकास र पछाडि परेका वर्ग र समुदायलाई प्राथमिकिता दिन आग्रह गर्नु भएको थियो ।
