अत्यधिक चिसो बढेपछि नरैनापुरको सबै विद्यालय बन्द

बाँके । बाँकेमा चिसो बढेपछि विद्यालय बन्द गरिएको छ ।

पछिल्लो एक सातायता बाँकेमा अत्यधिक चिसो बढेपछि नरैनापुर गाउँपालिका भित्रका सबै विद्यालय बन्द गरिएको छ । 

शिक्षा शाखा अधिकृत कृष्ण थारुले सुचना जारी गर्दै अत्यधिक चिसो बढ्दा पठनपाठनमा बाधा पुगेकाले प्रधानाध्यापकहरूको बैठकबाट बिदा माग भएको र सोही मागअनुसार गाउँपालिकामा बिदा दिने निर्णय गरिएको गाउँपालिकाले जनाएको छ ।

चिसोका कारण विद्यार्थीहरूलाई विद्यालय आउन जान समस्या भएपछि आइतबार सम्मका लागि बिदा गरिएको छ ।