बाँके । बाँकेको डुडुवा १ खडैचा नजिकै राप्ती इंग्लिश स्कुलको भ्यानले ठक्कर दिदाँ एक जना गोठाले घाईते भएका छन् ।
मंगलबार बिद्यार्थीहरुलाई छोडन जाँदै गरेको भे १ च २०२४ नम्बरको राप्ती इंग्लिश स्कुलको विद्यार्थी बोक्ने भ्यानले भैसी चराई रहेका गोठालोलाई ठक्कर दिएको प्रहरी चौकी खडैचाले जनाएको छ ।
भ्यानको ठक्करबाट डुडुवा १ खडैचा गाँउका ४५ वर्षिय पंचम पण्डित घाइते हुनुभएको छ । खडैचा प्रहरी चौकीका प्रहरी जवान किस्मत मल्लका अनुसार पण्डितलाई उपचारका लागि बेतहानी स्थित मेडिकलमा पठाइएको छ । उहाँको अवस्था सामान्य रहेको प्रहरीले जनाएको छ ।
खडैचा प्रहरीले स्कुल भ्यान चालक प्रदिप बर्माको लाइसेन्स लगायत गाडीको कागजातहरु नियन्त्रणमा लिएको छ भने चालकले घाईतेको आफै उपचार गराउन गएको जनाएको छ ।
चालक बर्माले बिद्यार्थीहरुलाई स्कुलबाट छोडन जाने क्रममा भैसीले बाटो काटने क्रममा दुर्घटना भएको स्विकार गर्नु भयो । उहाँले भन्नुभयो, ठूलो दुर्घटनाबाट बचियो, गोठोलाई चोट लागेको छ उहाँको सबै उपचार आफूले गराउने बताउनु भयो ।
स्थानीयहरुका अनुसार भ्यान तिब्र गतिमा नभएको कारणले ठूलो दुर्घटन हुनबाट बचेको छ । भ्यानमा दर्जनौ विद्यार्थीहरु थिए । प्रहरीका अनुसार भ्यानमा सामान्य क्षति पुगेको छ ।
