बाँके । आसन्न निर्वाचनका लागि उम्मेदवारले घरदैलो अभियानलाई तिब्रताका साथ अगाडी बढाएका छन् । उम्मेदवारी दर्ता, उम्मेदवारी फिर्ता र अन्तिम नामावली प्रकाशित भएपछि उम्मेदवारले घरदैलो अभियान सुरु गरेका हुन् । उम्मेदवार आफ्ना प्रतिबद्धतापत्र, प्रचारसामग्रीसहित मत माग्न मतदाताको घरदैलोमा पुग्न थालेका हुन् ।
नेकपा माओवादी केन्द्रका तर्फबाट नेपालगन्ज उपमहानगरपालिका वडा नं २ मा उम्मेदवारी दिएका वडा अध्यक्ष र वडा सदस्यहरुले घरदैलो अभियान सुरु गरेका छन् ।अहिले पनि माओवादीका उम्मेदवारहरु जनताको घरदैलोमा गएर मत माग्न कृयाशिल देखिएका छन् ।
घरदैलोमा माओवादीबाट नेपालगञ्ज २बको वडाध्यक्ष उम्मेदवार कसमीरा खातुनले मतदाताको घरमा पुगी मत माग्न व्यस्त हुनु भएको छ । नेपालगञ्ज २ लाई सुव्यवस्थित, समुन्नत र सुन्दर बनाउने योजनासहित चुनावी मैदानमा होमिएको वडाध्यक्ष उम्मेदवार खातुनले बताउनुभयो ।
मुस्लिम समुदायबाट वडा अध्यक्ष पदमा उम्मेदवारी दिने नेपालगञ्ज कै पहिलो महिला कसमिरा खातुन भएकोले वडाको नेतृत्व महिलालाई दिन जरुरी रहेको स्थानीयहरुले बताए ।
चुनाव जिताउने अभियानका कमान्डर एंव नेपालगञ्ज २ र १८ का इन्चार्ज तेज प्रसाद रेग्मीले जनताको भावना अनुसार काम गर्ने पार्टी माओवादी नै भएको जनताले बुझिसकेकोले अबको निर्वाचनमा माओवादीले नै जित्ने जिकिर गर्नु भयो । उहाँल नेपालगञ्ज २ माओवादीमय बन्दै गएको जानकारी दिनु भयो ।
