बाँके । युवा तथा खेलकुद मन्त्री महेश्वर गहतराज'अथक' बुधबार गृह जिल्ला आउदै छन् । नेकपा माओवादी केन्द्रका नेता अथक युवा तथा खेलकुद मन्त्री बनेपछि पहिलो पटक गृह जिल्ला आउन लागेका हुन् । मुगुमा भएको बस दुर्घटनामा परी ज्यान गुमाउनेहरु प्रति श्रद्धाञ्जली अर्पण गर्ने घाइतेहरुलाई अस्पताल पुगेर भेट गरी स्वास्थ्य लाभ गर्ने कार्य रहेको स्रोतले जनाएको छ ।
बुधबार निर्वाचन क्षेत्रको कोहलपुरमा माओवादी केन्द्रले स्वागत तथा अभिन्नदन गर्ने कार्यक्रम तय गरेको छ भने अथक निर्वाचित भएको बाँके जिल्लाको क्षेत्र नं १ को स्थलगत भ्रमण गर्ने र युवा तथा खेलकुद मन्त्रालयबाट के के काम गर्न सकिन्छ भन्ने विषयमा जनताको रायसुझाव लिने कार्यक्रम रहेको मन्त्रिको सचिवालयले जनाएको छ ।
बुधबार १ बजे श्री एयरलायन्सको बिमानबाट मन्त्री अथक नेपालगञ्ज आउन कार्यक्रम तय भएको माओवादी स्रोतले जनाएको छ । साथै काठमाडौं फर्किनु पुर्ब राजनीतिक दलहरुसँग अन्तरक्रिया गर्ने लगायतको कार्यक्रम रहेकोे बताइएको छ ।
