बाँके । बाँकेको राप्तीसोनारी गाउँपालिकामा मोटरसाइकल दुर्घटना हुँदा २ जनाको मृत्यु भएको छ ।
बुधबार बेलुका राप्तीसोनारी-४ लालपुर चोकस्थित नेपालगंज अगैयाको हुलाकी सड्क खण्डमा पश्चिम तर्फ आउँदै गरेको भे १२ प ३१९५ नम्बरको मोटरसाइकल र विपरित दिशाबाट जाँदै गरेको भे १२ प ४८२८ नम्बरको मोटरसाइकल ठोकिँदा २ जनाको मुत्यु भएको इलाका प्रहरी कार्यालय बैजापुरले जनाएको छ ।
मृत्यु हुनेमा भे १२ प ३१९५ नम्बरका मोटरसाइकल चालक रामशरण थारु र भे १२ प ४८२८ का मोटरसाइकल चालक बसन्त थारु रहेको इलाका प्रहरी कार्यालय बैजापुर प्रहरी नायव निरिक्षक भद्रसिंह वलीले जानकारी दिनु भयो ।
वलीका अनुसार थप तीन जना घाइतेहरुको मेडिकल कलेज नेपालगञ्जमा उपचार भइरहेको छ भने घाइते हुनेहरुमा अजय थारु, संगिन थारु र संजय थारु रहेका छन् ।
