काठमाडौं । जनमत पार्टीले उद्योग वाणिज्य तथा उपभोक्ता समितिको सभापतिमा सांसद अब्दुल खानलाई उम्मेदवार बनाउने भएको छ ।
सत्ता गठबन्धनमा भएको सहमति अनुसार खानले सभापति पदमा उम्मेदवारी दिन लागेका हुन् । यस समितिमा राष्ट्रिय स्वतन्त्र पार्टी (रास्वपा) ले पनि दाबी प्रस्तुत गर्दै उम्मेदवारी दिने तयारी गरेको छ । पार्टीले सभापति पदमा गणेश पराजुलीलाई उम्मेदवार बनाउँदै छ ।
मिनी पार्लियामेन्ट’का रूपमा लिइने संसदीय समितिको नेतृत्वका लागि आज मनोनयन दर्ता हुँदैछ । यसपटक प्रतिनिधिसभाको निर्वाचन भएको नौ महिनापछि मात्र संसदीय समितिको नेतृत्व चयन प्रक्रिया अघि बढेको हो । समिति सभापति चयनका लागि भोलि सोमबार निर्वाचन हुँदैछ ।
