डुडुवा(बाँके) । डुडुवा गाउँपालिकामा झुक्याएर जबर्जस्ती जसपा प्रवेश गराइएका नेपाली कांग्रेसका दुई जना कार्यकर्ता पुनः कांग्रेसमै फर्किएका छन् । वडा नम्बर २ बाबागाउँका तिलकराम कुर्मी र धर्मराज बर्मा फेरि कांग्रेसमै फर्किएका हुन् । तीन दिन अघि जसपा प्रवेश गरेका उनीहरु पुरानै पार्टी कांग्रेस फर्किएका हुन् ।
डुडुवामा हिजोआज जसपाले नेपाली कांग्रेसका कार्यकर्तालाई विभिन्न प्रलोभन देखाउँदै झुक्याएर जबर्जस्ती पार्टी प्रवेश गराउने गरेपनि उनीहरु कांग्रेसमै फर्किने गरेका छन् । चुनावको मुखमा विभिन्न अफबाह फैलाउँदै जसपाले पार्टी प्रवेशको झुठो नाटक मञ्चन गरिरहेको स्थानीय कांग्रेस नेताहरुले बताएका छन् ।
