बाँके । नेकपा माओवादी केन्द्र बाँकेका जिल्ला समन्वय समिति सदस्य मिना मल्ल पुनले जनयुद्धका घाईते, अपाङ र शहीदको सपना पुरा गर्न पनि माओवादीले चुनाव जित्नु पर्ने बताउनु भएको छ ।
मंसिर ४ गते हुने संघ र प्रदेशको निर्वाचनका लागि बाँके क्षेत्र नं २ को ख मा माओवादी केन्द्रबाट उम्मेदवारी दिएका अकल बहादुर बमको नेपालगञ्ज वडा नं ६ को प्रचार प्रसार सभालाई सम्बोधन गर्दै नेतृ पुनले लाखौँ नेपाली जनताको सपना पुरा गर्न, जनयुद्धका घाईते तथा अपाङहरु र शहीदको सपना पुरा गर्न माओवादीले संघ र प्रदेशको चुनाव जसरी पनि जित्नुपर्ने जिकिर गर्नु भएको थियो ।
उहाँले अबको संघ र प्रदेशको चुनाव माओवादीको लागि लँडाई जस्तै भएको भन्दै यो लडाई कुनै पनि हालतमा जित्नु बाहेकको बिकल्प नभएको बताउनुभयो। ‘अरुले हार्दा जित्दा खासै फरक पर्दैन तर माओवादी केन्द्रले हार्दा गणतन्त्र हार्ने खतरा छ’ उहाँको भनाई थियो ।
