काठमाडौं । प्रधानमन्त्री पुष्पकमल दाहाल ‘प्रचण्ड’ले राष्ट्रिय स्वतन्त्र पार्टी (रास्वपा)ले उठाएको विषय समाधान हुने बताएका छन् । शनिबार पार्टी केन्द्रीय कार्यालय पेरिसडाँडामा बसेको पार्टी स्थायी समिति बैठकबाट बाहिरिने क्रममा उनले समस्या समाधान हुने बताएका हुन् । उनले भने, ‘समस्या समाधान हुन्छ, अहिले त्यसबारेमा कुरा गर्छु ।’
रास्वपाले दिएको अल्टिमेटम सकिन लागेको प्रशंगमा प्रधानमन्त्री प्रचण्डले भने, ‘अहिले मेरो कुरा हुँदैछ । समस्या समाधान हुन्छ ।’ शुक्रबार बसेको रास्वपाको बैठकले सरकारबाट छोड्ने निर्णयका लागि सरकारलाई दुई दिन समय दिएको थियो । रास्वपाले गृहमन्त्री नपाए सरकारबाट बाहिरिने भन्दै आएको छ ।
