बाँके। नेपाल प्रेस युनियन बाँके कार्यसमिति सदस्य एवम् जि नेपाल एच डि टेलिभिजनका पत्रकार अभिशेक गुप्ता र जि नेपाल एच डि टेलिभिजनका प्रमुख आशिष गुप्तामाथि समाचारको विषयलाई लिएर हातपात भएको छ ।
गत असोज १७ गते घटनास्थापनाको दिन समाचार संकलन गर्ने क्रममा पत्रकार अभिशेक र आशिषसँग सामान्य विवाद भएको थियो । तर त्यही विवादको विषयलाई लिएर नेपालगन्ज उप–महानगरपालिका वडा नम्बर २ त्रिवेणी मोड नजिकै घरमै आएर तिन जना युवाको समुहले पत्रकारलाई भिडियो किन खिचेको भन्दैं हातपात गरेका थिए ।
राती ११ बजे भएको उक्त घटनामा संलग्नलाई प्रहरीले खोजिगरिरहेको छ । यसैगरी नेपाल प्रेस युनियन बाँकेले उक्त घटनाको निष्पक्ष छानविन गर्दै दोषिलाई कानुनी कारबाहीको माग गरेको छ ।
नेपाल प्रेस युनियन बाँकेका सचिव भिष्म लोधले विज्ञप्ती जारी गर्दै समाचारको विषयलाई लिएर पत्रकारमाथि भएको हातपातको घटना निन्दनीय भएको भन्दैं दोषिलाई कारबाहीका लागि स्थानीय प्रशासनलाई ध्यानाकर्षण गराउनु भएको छ । पत्रकार अभिशेक गुप्ताले लाठी प्रशिक्षण गरिरहेका किशोरीहरुको भिडियो खिच्ने बारेमा विवाद हुँदा आफुहरुमाथि आक्रमण भएको बताउनु भयो ।
दोषिलाई कारबाहीको माग गर्दै गुप्ताले जिल्ला प्रहरी कार्यालय बाँकेमा शुक्रबार उजुरी दर्ता गराउनु भएको छ । प्रहरीले घटनाको बारेमा अनुसन्धान गर्ने जनाएको छ ।
