काठमाडौं । गैरआवासीय नेपाली संघका कार्यकारी अध्यक्ष डा. बद्री के. सी. तथा अध्यक्ष कुल आचार्य, संथापक अन्तर्राष्ट्रिय संयोजक भिम उदास तथा राष्ट्रिय समन्वय परिषद् युकेका उपाध्यक्ष नारायण कंडेलले नव नियुक्त उपप्रधानमन्त्री तथा रक्षामन्त्री पूर्णबहादुर खड्का संग भेटघाट गर्नु भएको छ ।
संघका अध्यक्ष कुल आचार्यले बधाई तथा सफल कार्यकालको शुभकामना व्यक्त गर्दै संघले सामाजिक सुरक्षा, डलर खाता तथा सघको विकासको बारेमा विवरण प्रस्तुत गर्दै सो आफुहरुले गरेको काममा सहयोग गरेको भन्दै धन्यवाद दिनु भएको थियो ।
कार्यकारी अध्यक्ष डा. बद्री के. सी. ले हार्दिक बधाई तथा सफल कार्यकालको शुभकामना व्यक्त गर्दै संघको स्थापना काल देखि संघले नागरिकता तथा लगानीको कुरालाई महत्व दिएको सो कार्यको पूर्णताका लागि सहजीकरण गरिदिन हुन अनुरोध गर्नुका साथै संघले गरेका गतिविधिहरु बारे जानकारी गराउनु भयो ।
यस्तै संघका संस्थापक अन्तर्राष्ट्रिय संयोजक भिम उदासले संघको सुरुको अभियान बारे जानकारी गराउनु भयो ।
उप-प्रधानमन्त्री तथा रक्षा मन्त्री खड्काले गैरआवासीय नेपाली संघले स्थापना काल देखि नै नेपालको समृद्धिको सपना लिएकोमा धन्यवाद व्यक्त गर्दै नागरिकताको मुद्दा अब आउने वर्षे अधिवेशनबाट टुंगिने विश्वास व्यक्त गर्नु भएको थियो ।
