बाँके । कर्णालीमा सञ्चार घुम्ती सेवामार्फत् २६ जना पत्रकारलाई प्रेस पास वितरण गरेर सुचना तथा प्रशारण विभागको टोली आज काठमाडौं फर्किएको छ । मुगुका २०, जाजरकोटका पाँच र जुम्लाका एक पत्रकारलाई प्रेस पास वितरण गरिएको सूचना तथा प्रसारण विभागका अधिकृत केशव शर्माले जानकारी दिनु भयो ।
उहाँका अनुसार जिल्लामै अनलाइन पनि दर्ता भएका छन् । सूचना तथा प्रसारण विभागको आयोजना र नेपाल पत्रकार महासंघ मुगु शाखाको सहकार्यमा तीन दिने घुम्ती शिविर सदरमुकाम गमगढी बजारमा सञ्चालन गरिएको थियो ।
दुर्गम जिल्लामा कार्यरत सञ्चारकर्मीको क्षमता अभिवृद्धि र लेखन वृद्धि समाचार सम्पादन संकलन अन्तर्वार्ता लगायत विभिन्न विषयमा प्रशिक्षण दिइएको प्रशिक्षक डा. विजय प्रसाद मिश्रले बताउनुभयो ।
मुगुमा शिबिर सम्पन्न गरेर नेपालगञ्ज हुदै काठमाडौं फर्किन लागेका विभागका निर्देशक सुदिप भट्टराई, अधिकृत केशवराज शर्मा, लेखा प्रमुख केशव प्रसाद रेग्मी, प्राध्यापक डा. विजय मिश्रा, बिभागका खगेन्द्र कार्की, अधिकार बुढा र बिष्णु सुबेदीलाई आइतबार नेपालगञ्ज विमानस्थलमा प्रेस सेन्टर नेपाल लुम्बिनी प्रदेशका सचिव एवं युथ टुडे न्युज डट कमका सम्पादक आलम र अम्बेकेश्वरी अनलाईनका संचालक गोपाल ओलीले बिदाई गर्नु भएको थियो ।
