बेपत्ता भएका समिर अन्सारी ‘राहुल’ को खोजी गरिदिन परिवारको आग्रह

नेपालगन्ज । नेपालगन्ज उपमहानगरपालिका वडा नम्बर ४ का १६ वर्षीय समिर अन्सारी ‘राहुल’ भेरी नदीमा बेपत्ता भएका छन् । गत कात्तिक २८ गते उनी नदीमा बेपत्ता भएका हुन् । समिर रुकुम (पश्चिम) मा ब्यापार गर्दै आएका राजु अन्सारीका छोरा हुन् ।

बेपत्ता भएको ५ दिन बितिसक्दा पनि बेपत्ता छोराको अवस्था पत्ता नलागेको राजुले बताए । बेपत्ता छोराको खोजि गरिदिन परिवारजनले प्रहरी, प्रशासनसँग आग्रह गरेका छन् ।