काठमाडौं । काठमाडौंस्थित बाँसबारी छालाजुत्ता उद्योगको १० रोपनी जग्गा हडपेको आरोपमा व्यवसायी अरुण चौधरी पक्राउ परेका छन् ।
नेपाल प्रहरीको केन्द्रीय अनुसन्धान ब्युरो (सीआईबी) ले उनलाई लाजिम्पाटस्थित निवासबाटै पक्राउ गरेको हो । चौधरीसँगै बाँसबारी छालाजुत्ता उद्योगका बोर्ड अध्यक्ष अजितनारायण थापा पनि पक्राउ परेका छन् ।
थापालाई बत्तिसपुतलीस्थित घरबाट पक्राउ गरेको हो । सुरुमा अरुणलाई पक्राउ गरेपछि थापालाई पनि नियन्त्रणमा लिएको सीआईबी प्रमुख एआईजी किरण बज्राचार्यले जानकारी दिए ।
चौधरी र अजितनारायण लगायतले २०४२ सालदेखि विभिन्न मितिमा बाँसबारी छाला जुत्ता कारखानाको जग्गा छालाजुत्ता कारखानाको पन्चायतकालको सन्चालक समितिको निर्णयको आधारमा मिलेमतोमा हडपेको आरोप लागेको छ ।
