बाँके । गैरसरकारी संस्था महासंघ नेपालका केन्द्रीय सदस्य नमस्कार शाहलाई सामाजिक सेवा सम्मान प्रदान गरिएको छ ।
दलित महिला संघ (फेडो) बाँकेले बास नेपालका कार्यकारी निर्देशक समेत रहेका शाहलाई सो सम्मान प्रदान गरेको हो ।
संघको आज सम्पन्न १७ औं बार्षिक साधारण-सभामा शाहलाई सम्मान गरिएको थियो ।
दलित, महिला तथा समाजमा पछाडी पारिएको बर्गको उत्थानका लागि सामाजिक सेवामा पुर्याएको योगदानको कदर गर्दै शाहलाई सम्मान गरिएको हो ।
साधारण-सभाका प्रमुख अतिथी जिल्ला समन्वय समिती बाँकेका प्रमुख ज्ञानेन्द्र चौधरी, फेडोकी अध्यक्ष निर्मला सुनार, फेडोकी केन्द्रीय सचिव हिमा सुनार लगायतले शाहलाई सम्मान पत्र प्रदान गरेका थिए ।
सोही कार्यक्रममा दलित हक, अधिकार प्राप्तीका लागि क्रियाशिल बैजनाथ गाउँपालिकाकी निबर्तमान उपाध्यक्ष शारदा बिश्वकर्मालाई सम्मान गरिएको थियो ।
