काठमाडौं । मनाङ एयरको हेलिकोप्टर दुर्घटनाप्रति जनमत पार्टीका राष्ट्रिय उपाध्यक्ष एवं पुर्व मन्त्री अब्दुल खानले दु:ख व्यक्त गर्नु भएको छ ।
मनाङ एयरको हेलिकप्टर लिखुपिके गाउँपालिका-५, लाम्जुरापासको चिहानडाँडामा दुर्घटना हुँदा ६ जनाको निधन भएको थियो। पुर्व मन्त्री खानले मृतक यात्रुप्रति श्रद्धासुमन अर्पण गर्नु भएको छ ।
‘सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर दुर्घटनामा परेको समाचारले दुखी तुल्याएको छ। दुर्घटनामा परी मृत्यु हुनुभएका यात्रुहरूप्रति भावपूर्ण श्रद्धासुमन अर्पण गर्दै शीघ्र र प्रभावकारी उद्दारका लागि नेपाल सरकार संग अपिल गर्नु भएको छ ।
सोलुखुम्बुबाट काठमाडौंका लागि उडेको मनाङ एयरको ‘एनए–एमभी’ कलसाइनको हेलिकप्टर सोलुखुम्बुको लिखुपिके गाउँपालिकाको लाम्जुरापासमा दुर्घटनाग्रस्त अवस्थामा फेला परेको थियो ।
आज बिहान १० बजे सोलुखुम्बुको सुर्केबाट उडेको हेलिकप्टर सवा १० बजे सम्पर्कविहीन भएको थियो। हेलिकप्टर पौने ११ बजे काठमाडौं आइपुग्नुपर्ने थियो ।
हेलिकप्टरमा पाँच जना विदेशी र एक जना नेपाली सवार रहनु भएको थियो । पाइलट चेतबहादुर गुरूङले उडाएको हेलिकप्टरमा अन्य यात्रु भने मेक्सिकोका नागरिक रहेको बताइएको छ।
