बाँके । राष्ट्रिय प्रजातन्त्र पार्टी बाँके निकट महिला संगठनकि उपाध्यक्ष तारा कुमारी थापा सहित २ दर्जन नेताहरुले पार्टी परित्याग गरेका छन् ।
बुधबार एक विज्ञप्ति जारी गर्दै थापा सहित २० जनाले कमल थापाले नेतृत्व गरेको पार्टीले हिन्दू राष्ट्रको मुद्दालाई प्राथमिकतामा राख्ने भए पछि आफुहरु कमल थापा नेतृत्वको पार्टीम प्रवेश गरेको बताउनु भयो । उहाले भन्नुभयो,“हिन्दू राष्ट्र, सुशासन र समृद्धिका लागि राप्रपा नेपाल बलियो पार्टी हो ।,”
पार्टीभित्र गम्भीर सैद्धान्तिक विचलन र स्वेच्छाचारिता मौलाएको हुँदा यो अवस्थामा नैतिकरूपमा पार्टीभित्र बस्न सक्ने आधार समाप्त भएकोले नैतिकताको आधारमा आजैको मितिदेखि साधारण सदस्य समेत नरहने गरी राजेन्द्र लिङदेन नेतृत्वको राप्रपाबाट राजीनामा दिएको बताउनुभयो ।
यता बाँकेमा कमल थापाको नेतृत्वको राप्रपा नेपालमा प्रवेश गर्नेको लर्को लागेको जिल्ला अध्यक्ष दिपेन्द्र सिंहले बताउनुभयो । उहाँले राप्रपा नेपाललाई देश कै बलियो पार्टी बनाउने गरि लागेको बताउदै लिङदेन नेतृत्वको पार्टीमा रहेका ८० प्रतिशत नेताहरु राप्रपा नेपालमा प्रवेश गर्ने दाबी गर्नु भयो ।
